VERITE

Өвөгдөөс улбаатай хувцас загварын шинэ салхи

2024 оны зуны олимпод оролцсон Монголын баг тамирчдын хувцас нь үндэсний хувцас загварын салбарт шинэ өнгө аяс авчиржээ. Уламжлалт дээл, хувцаслалтыг шинэ түвшинд хүргэж, нүнжигтэй хэрнээ орчин үеийн донжийг шингээсэн нь үнэхээр тансаг мэдрэмж төрүүлэв. Хүннүгийн үеийн олдворууд, эртний монголчуудын хэрэглэж байсан нандин гар урлал, алтан утсаар оёсон хатгамал, дугуй болон өнцөгт дүрс бүхий хээ угалз зэрэг нь загварт шингэж, уламжлал ба шинэчлэлийн төгс хослолыг бий болгов. Тансаг гэх ойлголтыг шинэ түвшинд хүргэсэн энэхүү бүтээлүүд нь Монголын хувцас загварын салбарт жинхэнэ шинэ салхи болж байна.